Jowai: Ka lympung yakob miat kynthai kawa tip leh kam ka Miss Jowai 2018-19 da man ko kawa lai bait wei kiwa chimbynta da lai ki cha Thadmutlong Miracle Centre for the Differently-abled Persons ynnin ka 4 tarik.
Ya ini i laike kiwa chimbynta ka Miss Jowai da pynman da ka yung krehkaan u Deputy Commissioner’s (Election) Office wow pynsñiawthooh ya kiwa em ha kani ka thaw chaphang ka Systematic Voters’ Education and Electoral Participation (SVEEP) Campaign wow kynthup ya ki ha ka kaam wow jied ya kiwa mihkhmat.
Neiliang u Additional Deputy Magistrate (I/C Election) u S.C. Laloo da pynsñiaw u yei mynsien wa kmen ya kiwa chimbynta wa da lai ki cha kani ka thaw wow pynsñiawthooh ya ki hajrong i hok yong ki.
Waroh da em 16 ngut kiwa yachimbynta ha kani ka yakob na kylleiñ ki thaw ka ri-loom Jaiñtia.
Ka Miss Jowai 2018-19 toh kawa pynman da ka Diza’s Socio and Sports Club, Jowai, wei ya ka yakob daw pynman ha ka 2 Naichiphaw 2018 ha District Library Auditorium, Mynthong, Jowai nadooh 6 waje i janmiet.
Ha kani ka janmiet daw em ka pynyoo riam neibynta kiwa da heh kamjooh ki khynnah ya kiwa da pynkhreh da ka La Bebe, Shillong heiwa daw em leh kiwa pynwyrngia na kylleiñ ka jylla.
Discussion about this post