Lai krehlang ka KSU Narpuh wa ki pulit yow pait ya i wan psiah ki baar jylla hadien wa pynbna yaka NRC

Jowai: Hadien wa ka Khasi Students’ Union (KSU) JHDU yachem ki ya u DC wa SP ka EJHD heiyatoh waka NRC, neiliang ka KSU Narpuh Circle hapoh i yahkhmat u President u KS Suchiang, u Sanatomba Bamon, General Secretary wa ki dkhot da lai hiar ki cha Ratacherra ynnin ka 4 tarik wow yachem wa u In-charge ka Infiltration Check Gate u D. Nongseij wei wow e ya i ya krehlang wa ka chnat pulit ha i khynra ya ki kari wa wan na Lower Assam kiwa na Silchar, Badarpur wa kiwi kiwi.

Ki daw wa pynman yaka seiñ wow lai hiar cha katai ka thaw toh hadien wa pynbna ka jylla Assam ya ki pyrtuid wa mih khaddooh hapoh ka National Register Citizens (NRC) heiwa 19 lak tam da chah kyntait kam ki tre ri. Ka seiñ hi em ko i sñiawsyier wa kitai ki wym mih pyrtuid daw wan psiah tooh ki cha ka jylla yong i neidaw wa suk u yoh u psiah neidaw wa tlot ka yada na ki bor ka aiñ. Lada pait cha katæ ka Entry wa Exit Point wa da dawa da slem wei kani leh dang wiar ko cha i yimphoo. Tangwa hawa poi yaklam wa u Nongseij, da ong u wa neiliang yong ki kamwa da phah na ki bor wa hajrong wa miet wa sngi u pynman yaka khynra ya ki kari. Da kam u leh wa da ki spah ngut ki baar jylla da chah pynuiñ ki kiwa ym biang ki kot ki sla. 

Chooh chooh hawa kylli ka seiñ wa ka Assam da e por ko 120 sngi ya kiwa ym em mih pyrtuid haka NRC wow lai yasaaid ki hakhmat ki Foreigner’s Tribunal (FT) wei daw em ki baar jylla kiwa chim kabu ya ini deiwa kam wa dang em ki hapyrdi i kyrpaad ha kitai ki Tribunal, ye ki u chim kabu wow yoh psiah cha ka jylla yong i. Tangwa u Nongseij da ong u, ym chah ya ki wow psiah, wei hap ki wow uiñ kiwa ym em biang ki kot ki.

Hawa kylli wa katkam wa yoo wa ya katai ka kot NRC ym toh kawa emlang wa i dur yong ki bru, neiliang u Nongseij da ong u wa ki bru emkaam ki wow em saka Epic yow pynsakhiat ya i pyrtuid wa em ha NRC. Neiliang ka seiñ da kyntu ko ya ki bor pulit wow pynkhlan bha ya i khynra ya ki kari neibhah ka seiñ suba joor ko wa em ki kari wa thylli kiwa tymmoh da ka tarpal tamgwa hapoh won dap da ki baar jylla wa rieh wei psiah tooh. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kani toh katkam ka kyrwoh na u SL Suchiang, Publicity Secretary KSU Narpuh Circle.