Lai kyrchaan ka diah tre waka pyrsa u HDR Lyngdoh ya u kyrtong ka Congress ha Sohïong

U HDR Lyngdoh uwa man u MLA warim ka Sohïong Constituency ye u chah ktah ha kani ka Election MLA neidaw wym yoh u yei kyrchaan wa pura na ka yung.

Ya ini da sakhi wa kawi ki diah tre yong u HDR, ka Beauty Lyngdoh da lai ko wow kyrchaan ya u kyrtong ka Congress ha ka yalang kawa da man ha Mawmaram.

Hawa yaklam wa kani ka manbei, kawa da man leh kawa kyrchaan wa da rim ka Congress, da ong ko wa i lai kyrchaan ya u S. Osborne Kharjana toh neidaw wa uni u bru toh uwa stat, wei da e ko leh i kyrkhu ya uni u kyrtong ka ka Congress.

Da ong ko leh wa u payu ko da dep leh u chiboon wei da pynlut u chiboon i bor waka poisa tangwa hawa pait yei long i man katni da yoosuk ko ya u Osborne wei da dawai Blai ko leh yow yoh u yei jop, wei u Blai u pynemkaam u ya u Osborne wow man kam ka tiar yaleh neibynta ka jaitbru.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Kam wow pynkynmoo wa u HDR da jop u nachwa kam u MLA ka Congress wei da rem noh u ha ka Election 2018 neidaw wym yoh kyrchaan u na ki payu para, wei ha ka sngi wa lai psiah u cha ka UDP ha uni u snem da pynbna wa ka yung ka sem da yatylli biang ko yow pynjop leh ya oo haka Election wow wan, tangwa ynne won ka sngi da man da kamwi heiwa da lai lang leh waka pyrsa tre u HDR deilang waka diah u yow kyrchaan ya u kyrtong ka Congress.