Ka Hynñiewtrep Youths’ Council (HYC) War Jaintia Circle da pynsñiaw ko yei sñiawkhia hajrong i long i man yong ka sarok Amlarem-Dawki NH-40(E) ha kini ki kajiak tayaw neidaw wa i Truck kit mooyong yong kitu kiwa rap ‘High Level’ da lait laitlooid ki khlem da salia.
Wei ini da ong ka seiñ da ktah sakhiat yei lai i wan yong ki paidbah wa boon wa lang khamtam kitu kiwa thmu wow lai cha ki thaw puræ lane kiwa lai kreh.
Kamtæ ka seiñ lyngba kani ka kyrwoh da kyntu ko ya ki bor pynlai District kamjooh yaka Amlarem Civil Sub-Division wow chimkhia wow leh iyi iyi syndon hajrong ini i lai laitlan yong kitai ki Truck kit mooyong kamjooh leh wow tuklar hawa yatoh wa i kit palatpood (Over Loading) iwa da pynman ya katai ka sarok wow nangsih ko kat dang mih ki sngi.
Ka seiñ da maham ko leh wa lada jia wa ki bor District lane ka Civil Sub-Division ym chimkhia ki ya ini i kyrpaad ka seiñ, daw chong pyrkhat wow leh ya iwa emkaam.
