Lai paan pynche ka KSU yei pynkreh ya u sarok Borghat-Sonapur hadien wa pynbna ka DoNER yei pynlait poisa

Ki dkhot ka Khasi Students’ Union South West Border Circle da lai yachem ki wa u Executive Engineer PWD (Roads) Khliehriat, heiyatoh wa i pynkreh ya u sarok Borghat-Sonapur hadien wa mih khubor wa neiliang ka Ministry of DoNER da pynlait poisa yow pynchna ya uni u sarok.

Neiliang u EE da ong u wa ya kani ka poisa ym pu em yoh pdiang na ka DoNER deiwa pynche leh wa i e poisa toh yow pynchna nadooh na Sonapur hadooh Wahprang-Hingaria wei na Wahprang Hingaria hadooh Borghat da pynkreh da ka State Fund wei i kreh dang lai ko chakhmat wei i heh u sarok leh toh uwa khian ym kam u sarok Wahprang-Hingaria chadooh Sonapur heiwa u sarok man u leh uwa heh.

Neiliang ka seiñ da ong ko wa da em i bynta wa da sih u sarok na Wahprang-Hingaria chadooh Borghat hanla i kreh ya uni u sarok dang lai ko chakhmat, kamtæ da kyntu ya u EE wow tuklar yeini heiwa da kular u wow phah ya u Contractor wow pynchna ya iwa da sih wei wow kreh bha u.

Ka seiñ da e khublei ko ya u EE wa da chimkhia u yeini kamjooh da kyrpaad ya ka MLA ka thaaiñ ka Santa Mary Shylla wow tuklar yeini khnang wa i kreh u man i iwa lai bait lai ryntih yow man ko i kyrkhu ya ka thaaiñ khappood waroh kawi.

Related posts

Daw pynman ka WJSU ya ka 2nd War Jaiñtia Scholarship Examination 2025

November 14, 2025

Pynche ka Dorbar Chnong Mynsngat heiyatoh wa ka RTI wa ka FIR wa ujor baam tooh ya ka poisa Swachh Bharat

November 13, 2025

Puræ leh: Pynlait ka DoNER Rs.30 klur | Daw yoh myntoi ka Seiñraij, u sarok Borkhat-Sonapur wei chna yingkieñ ha Umngot