Jowai : Kam chibynta yow wanrah yei sñiawthooh ki paidbah yei ma i kjut pynhiar (Diarrhea) wa ktah hadooh ya kiwa da heh wa khynnah ki dkhot kaRBSK (Rashtriya Bal Swasthya Karyakram) da pynman ki ya lai paidbah (Rally) ha ka chnong Sahsniang.
Yeini da leh kam chi bynta ka Intensive Diarrhea Control Fortnight (IDCF – 2016) kawa thmu yow pynduna yei kjut pynhiar deiwa li e dawai cha waroh ki yung wa suba wa em wa kjut pynhiar.
Ya kani ka lai paidbah da leh deiwa em lang ki khynnah ka school Little Flower High School wa ka Evershine UP School deiwa lai nadooh na Sahsniang PHC hadooh ka Yaw Sahsniang hei emlang u Medical Officer In-charge ka Sahsniang PHC.
Hadein wa kut ka rally da saam leh ya ki khusnaam yakop dro hei yatoh wa ka phang yow pynduna yei kjut pynhiar.
Ya kani ka IDCF u pynman ya ka ar tayaw na ka 26 tarik uni u bnai ha kani ka chnong heiwa ki wa kreh ka tnat Health kam ki ASHA, ANM wa ki Doctor daw yachem ki ya waroh ki manyung wa em ki khon ki wa yoh pynhiar wei daw e dawai mynkna ya ki da ki ORS wa u dawai Zinc.
Discussion about this post