Kam chibynta wow pynyoo yei pyrchah yei phah chim tika yabor kamjooh i phah deiñ yaki Mask yow yada naka khlam COVID-19, ynne ka sngi ki paidbah wa em da ki spah ngut da pynman ki yei lai paidbah ha Shillong kam i dak wow dawa yei hok wow jied katkam i mon yong ki.
Ya kani ka lai paidbah wa pynman da ka India Awakening Movement, Meghalaya State Unit da man ko leh wow pyrchah ya kiwa boon ki kyndon wa da pynkrehkaam ka sorkar nadooh ki Lockdown deiwa rahlang wa ki Banner wa em ki kyntien wa ong wa i doh i pran yong i man i i hok yong i.
Ha ini i lai paidbah wa da lai lyngba kiwa boon ki thaw ka Shillong, kiwa chimbynta ym em u ya deiñ Mask wei ym leh yajngai ki uwi ya uwi.
Da dawa leh wow phah pynsangeh chisyndon yei phah leh Test, yei phah wan ki ASHA, ki bor chnong yow phah chim tika la kam ki bru toh ki syiar pharm, ki sñiang pharm wa mar ya e Inject da heh da dep la yap leh biang.
