Ynne ka sngi kawa man ka sngi wa khaddooh wow e jubab ka sorkar hajrong i dooh thaw puræ (Admission) ki khynnah ha ka Class XI katkam i dawa ki ar seiñ ka JYF wa JSM, ynne ka sngi ki heh ki ar seiñ (kiwa em soo ngut) da pynman ki ya i rah Placard na laad Kiang Nangbah Government College.
Hawa lai luti da yieñ ki chipor haphrang ka yung krehkaam ka chnat puræ puthi, ha Iawthymme, ha Iawmusiang chadooh cha yung krehkaam u Deputy Commissioner ka West Jaiñtia Hills District.
Manda poi ha pchem kani ka yung krehkaam da pynman noh ki ya i chong kylleiñ myngngor ha kani ka thaw wei da ksoh khyrnang ya ki kot rben wa thoh ya ki kyntien wow beiñ ya ka sorkar.
Hawa yaklam wa ki heh ki ar seiñ kiwa kynthup ya u Jordan Rymbai, President ka JYF Jowai Circle wa u Ribok Biam uwa man kam u President ka JSM Western Region da ong ki wa ynne ka sngi man ko ka sngi wa khaddooh wow pdiang ka sorkar wow e admiaaion ya ki kamwa 150 ngut ki khynnah ki wym pu yoh Admission hadooh ynne ka sngi ha ka Class XI.
Da ong ki wa ini i leh yong ki ynne toh wow pynkynmoo ya ka sorkar wa dang em sa kamwa 150 ngut ki khynnah wei kammon wei iyi wow jia ya ka mynried yong ki.
