Ki heh ka Airports Authority of India (AAI) kiwa wan na Delhi wa yahkhmat da u Executive Director deilang wa ki heh sorkar ka Meghalaya wa yahkhmat da u Joint Secretary ka sorkar Meghalaya wa u MD ka MTC, ki bor District ka West Garo Hills District ynnin ka sngi da lai ki cha Baljek Airport wa em ha Jengal wa jngai kamwa 30 Km naka chnong Tura yow sorjamin ya ini i thaw hiar ki lieñsuiñ.
Ini i lai pait toh yow thooh laad kammon wow pynheh ya ka luti yow ye ki lieñsuiñ wa rap heh kam ki Boeing 737 wa ki Airbus A320 wow hiar ha kani ka Airport.
Kamwa man kattæ du ki lieñsuiñ wa khian wa tip kam ki ATR wa ye u hiar ha kani ka Airport wei ya ka Report na ini i lai sorjamin daw e hapoh chi bnai heiwa kammon wow pynheh ya kani ka Airport.
Kani ka Airport wa katni ym toh kawa krehkaam heiwa neiliang ka sorkar jylla da booh thong ko wow pynkrehkaam ka ha u snem 2022 kam chibynta i lehkmen dap 50 snem ka jylla.
