Ka DC ka East Khasi Hills deilang wa u Superintendent of Police (Traffic) ynne da pynman ki yei lai pait lia sylli ya ki thaw pynman yaw ha Laitumkhrah deiwa emlang leh ki dkhot ka Dorbar Chnong Laitumkhrah wa ki dkhot ka Meghalaya & Greater Shillong Progressive Hawkers and Street Vendors Association kawa man ka seiñ kiwa chongdai madan deilang wa u EE Shillong Municipal Board wa u EE PWD Roads.
Yeini da leh hadien wa yoh ujor yei khynnia ki luti syngkieñ neidaw wym em kyndon yei rukom chongdai kiwa em cha rood sarok iwa da wanrah kylla yei khynnia sarok kamjooh ki rood sarok heiwa da thut i lai i wan ki kari kamjooh kiwa lai kjat kamjooh leh da ktah chooh chooh deiwa pynyieñ kari kulmar ki bru ha rood sarok ha tymbud u sarok Main Road ka Laitumkhrah.
Da ap leh yei ood kiwa chong chnong, ki tre dukan, kiwa chongdai wa kiwi de kiwa emkti ha ini i kaam.
Hadien wa ap ya waroh wei da chem leh ya ki thaw wa chah ktah bha wei joor kiwa tyngkheiñ kyndon, neiliang ka DC da pyntip ko wa daw ya krehlang wa ki chnat sorkar wa kiwi wa embynta ha ini i kaam yow pynsuk lang ya waroh.
