Lai pait ka FKJGP ya ka kor X-Ray ka Jowai Civil Hospital hadien wa yoh ujor na ki paidbah

Ynne ka sngi ka FKJGP hapoh i yahkhmat u President ka Jaiñtia Hills Zone, u Tuesday Lytep wa u President ka West Jaiñtia Hills District Unit, u Damien War da lai yachem ki ya ka Medical Superintendent ka Jowai Civil Hospital, Ialong.

Ini i lai yachem ka seiñ toh hadien wa yoh ujor na ki paidbah wym krehkaam ka kor X-Ray wa Scanning ha kani ka Hospital iwa da pynbor ya ki paidbah wow lai leh yeini cha ki thaw ki bru samen.

Hadien ini i yachem da lai pait ki leh ya ka kamra R-Ray kawa dang dep chna ini wadep kawa da krehkaam la kattu katni sngi.

Hadien ini neiliang u Damien War da ong u wa dap dei kmen wow yoo wa ka X-Ray kamjooh ka Scanning ha kani ka Hospital da man ko kawa da krehkaam tangwa ka kor CT Scan ympu em ko ha kani ka Hospital.

Da ong u leh wa ki Test wa leh da man ki kiwa da leh ha kani ka Hospital hi deiwa kyntu ya ki paidbah wow leh ya kini ki Test (kamjooh ka X-ray wa Scanning) pyn ha kani ka Hospital.

Related posts

Na ka ram wa chim ka Meghalaya, 90% kawa su da ka sorkar pyrdi pynche u Conrad yeiwa pynbaad u Vincent

December 3, 2025

E khublei ka Salaroh ya u Wailadmiki hadien wa yoh ya u sarok wa sahteiñ da ki phaw snem

December 3, 2025

Neiliang u Tuesday Lytep da ong u wa dang em chooh i duna ha kani ka Hospital kam kiwa kreh nadooh ki Nurse, ki Doctor, Grade IV wa kiwi kiwi.

Da ong u leh wa ka seiñ ha ki sngi wow wan daw lai yachem ko ya ka Montri ka chnat i chait i khiah.