Ha ka 24 tarik uni u bnai, ka Khasi Student Union (KSU) Ummulong Unit hapoh i yakhmat u Niki Challam kam u President, u Boimiki Nangbah kam u General Secretary deilang wa ki dkhot da lai ki wow lai pait yei pynkhreh ka Ummulong CHC neibynta wow yakhun ya ka khlam kawa da joor ha ka thaaiñ.
Ha ini i lai pait da chem wa kani ka CHC man ko kawa da pynkhreh da 8 tylli ki Oxygen Cylinder, 21 tylli ki thaw thiah wa ki dawai yarap ha kani ka CHC.
Hawa yaklam wa u Doctor M. Lamare da pyntip u wa katni hi neiliang yong ki da pynkhreh ki wow yarap lada jia wa joor i ktah ka khlam COVID-19 katwa ye i bor ka CHC.
Neiliang ka KSU Ummulong Unit da e khublei ko ya u Doctor In-charge wa ya ki Nurse wa ki wakreh waroh yong ka Ummulong CHC yei pynlait por wa i pynkhreh yong ki.
Ka kyrwoh khubor na u Damehi Muksor Publicity Secretary Ummulong Unit.
