Ka seiñ Meghalaya People’s United Front (MPUF) ynne ka sngi da lai pait ko ya ka yingkieñ Dwar Ksuid hajrong i ood kiwa yah Truck nei chim kabu ki artylli ki Weighbridge kiwa em ha 23 Mer Ri-Bhoi District wa kawa em ha Khliehtyrchi, West Jaiñtia Hills neibhah wa da chah wow kit hapoh 40 Ton.
Ka seiñ da ong ko wa yeini da leh neibhah wym chah wow kit tang kat i bor ki kari wa lai na kani ka yingkieñ wei ini da ktah i chiboon ya ki tre Truck.
Chooh chooh da ong ko wa ha i por wa dadep da pynlait poisa wow chna thymme ya kani ka yingkieñ tangwa phylla won wow yoo wa da chna pynmiat (Repair) donhi ya ka wei iyi wa pynslem ya ka sorkar Meghalaya wa ka NHAI wow chna da kawa thymme, deiwa kylli kopsar em iyi iyi cha lyndet yong ini waroh.
Heijooh i por da dawa ko na ka sorkar jylla wow chna noh ya ka yingkieñ khnang wa ki Truck u ye ki wow kit ha i bor namo ka Capacity yong ki wei itæ ymtoh hapoh ka 40 Ton.
