Kam chibynta i lehkmen yei dap 75 snem ka ri India kawa da e pyrtuid “India@75: Azaadi ka Amrit Mahotsav”, neiliang ka Ministry of Rural Development, ka sorkar India da phah ko ya ki jylla kiwa pynkrehkaam ya ka Pradhan Mantri Gram Sadak Yojana (PMGSY) wow pynman ya ki jait kaam wa boon jait wei iwi na kini toh wow pynman yei lai pait yei stat wa pynemkaam wow chna ya ki sarok PMGSY kiwa bha neibynta ka rymaw wa tip kam ka Green Technology.
Iwi na ki thong wa da leh ya ini toh yow pynpoor wei wow e lang ya ini i stat chna sarok cha kiwi yow ya bood wei wow pynemkaam lang hawa pynkreh ya kiwi ki jait kaam.
Kamtæ ka State Rural Roads Development Agency, PWD da lai pait ko ya ki soo tylli ki sarok PMGSY wa dang chna ha East Khasi Hills District ha ka 17 tarik uni u bnai. Kini toh ka sarok ‘LPL-Mawpynthih’, ‘Mawkhar-Maweitnai’, ‘L028- Mawkynring’ wa ‘Laitlyngkot-Laitmawroh’.
Le tylli na kini ki sakrok toh wa da chna da i jait psiang wa katkam ka juk wa katni wa tip kam ka Cold Mix Emulsion Technology, heiwa yei psiang ym emkaam wow chet kam nachwa. Kawi na ki sarok wa da leh kamni toh ka ‘L028- Mawkynring’, kawa da pynemkaam da ka Nanotechnology wow chna sarok. Kani ka sarok da chna ya ka deiwa ye ko u yaleh pyrchah yei siam ka um yow man ko kawa soi wei kini waroh da yarap ko wow pynneh pynsah leh ya ka rymaw neibhah wym emkaam wow chim chiboon na ka hawa chna sarok.
Da em kamwa 25 ngut ki Engineer, ki bru wa pynbiang ya ki tiar ki tar wa emkaam wa ki Contractor da chimbynta ki ha ini i lai pait.
Da pynman leh ya ka ya phyllu yumut namo ka Knowledge-sharing Seminar ha PWD Sectional Assistant Training Centre, Laitlyngkot heiwa da emlang u B P Marak, Chief Engineer (Standard), PWD (Roads) and Empowered Officer, SRRDA uwa yahkhmat leh yei lai pait kamjooh uwa pynlai ya ka Seminar.
