Ka ri-loom Jaiñtia man ko kawi na ki thaw wa da kyrkhu ki Blai deiwa booh ya ki thaw wa yoosuk wa miat wei ka chnong Thadmuthlong leh man ko kawi na ki kawa em ya ki thaw uiñke kiwa dang rieh bha.
U MLA ka Raliang, u Comingone Ymbon ha kani ka tayaw chirup wa ki bor pynlai ka Synjuk ki Rangbah Chnong Thadmuthlong wa kiwa kitkaam ka Thadmuthlong Pyllun Environment and Tourism Society da lai pait u ya ki ar tylli ki kchaaid wa em ha ka chnong.
Kini ki kchaaid kynthup ki ya ka Kchaaid Moojem wa ka Kchaaid Oor-maji.
Neiliang u Ymbon da kyntu u ya ki paidbah ka chnong wow pynneh pynsah ya ki khloo kiwa pyndap um ya kini ki kchaaid.
Da kular u leh wow yaklam wa ka chnat wa pait ya ki kaam uiñke suwari wow wan pait (Survey) ya kini ki thaw khnang wow ye ki u leh yeiwa emkaam, da kyrmen u leh wa lyngba kini ki thaw daw ye ki wow e khih e kreh ya ki khynroo ka thaaiñ.
Ha kani ka thaw ye u lai-kjat (Trekking), u sahmiet (Camping), u chonglieñ ha khriang (River Rafting), u khwe (Angling) wa kiwi kiwi.
