U Chairman ka Meghalaya Human Rights Commission uwa pait leh ya ka takit hajrong i chah siat yap u Cherishterfield Thangkhiew ha ka 13 tarik u Naisaphra 2021, u Justice T Vaiphei ha ka 5 tarik uni u bnai da lai pait u da idæ ya ka yung sah u Cherish uwa man u General Secretary warim ka Hynniewtrep National Liberation Council (HNLC).
Ha kani ka sngi neiliang u Justice Vaiphei da ong u wa boi la kammon kammon dang emkaam sa 3 bnai wow pyndep ya kani ka takit wa da thung da ka sorkar. Da ong u wa hadooh katni ym pu em ka takit wa ye u pyndep ha i por wa da booh næ hapoh 6 bnai.
Hawa uwi na kiwa thoh khubor wa da paaw bha da kylli u hajrong itai i lai pait, neiliang u Vaiphei da kyntait wow khana iyi iyi leh, heiwa da ong u wa emkaam sa kamwa 2 tayaw wow bichaar ya ki takit wei ye u man wa daw emkaam sa kamwa 3 bnai wow pyndep lut ya ki takit waroh hajrong itai i jia.
Da ong u wa ka Commission daw paan por chooh chooh ko na ka sorkar hajrong ini i takit.
