U Montri Khynnah ka sorkar pyrdi wa pait ya ka Panchayati Raj, u Kapil Moreshwar Patil ynne ka sngi da pynsñiaw u yei sñiawkmen hajrong i khooid ki chnong wei da pynkreh bha ya ka Mahatma Gandhi National Rural Employment Guarantee Scheme (MGNREGS) ha ki chnong wa em ha Meghalaya. U Patil da wan u cha ka jylla neibynta wow pait yei pynkrehkaam ya ki Panchayati Raj Scheme.
Hawa lai pait ya ka chnong Mawlein Mawkhan wa em hapoh Umsning wa ka Lum Umpih kiwa em ha Ri-Bhoi District, da lai pait u leh ya ki kreh wa da dep pynkreh hapoh ka MGNREGA heiwa da kmen u yei pynkrehkaam bha ya kini yow pynku pynroi ya ki chnong nongkyndong wa em hapoh Meghalaya.
U Patil da lai pait u leh ya ki thaw wa dang pynkreh wei da yaklam u leh wa kiwa chong chnong kiwa yoh myntoi na kani ka Scheme.
Ka chnong Mawlein Mawkhan wa Lum Umpih toh ki ar tylli ki chnong kiwa u Patil da pynman u ya ka Review Meeting wa ki heh ka chnat kiwa da kreh ha ki chnong ki thaw. Najrong wa lai pait leh yei pynkrehkaam ya ki thaw wa da pynkreh ya ka Mahatma Gandhi National Rural Employment Guarantee Act (MGNREGA) da lai pait u leh ya ki yung wa da chna hapoh ka Pradhan Mantri Awas Yojana-Gramin.
