Ha ka tayaw wa dadep da wan hiar syndet u slap wa u phria uwa joor ha ka chnong Mukhla, West Jaiñtia Hills heiwa da chah ktah da ki spah tylli ki yung iwa da pynbor ya ki paidbah wow tymmoh ya ki yung yong ki da ki Plastic wa ki tarpal.
Heiyatoh wa ini, neiliang u MLA ka Jowai, u Wailadmiki Shylla chirup wa ki Gram Sevak wa ki waheh na ka chnong Mukhla, ynnin ka sngi da lai pait u ya kini ki yung kiwa da chah ktah wei da yachem u leh ya ki tre kini ki yung.
Neiliang u Wailadmiki da phah u ya ki Gram Sevak wow pynsmat ki ya ki kaam yong ki wow pynkhreh ya ka bui wei wow e cha ka sorkar khnang wow ye u e yarap smat cha kini ki manyung.
Da ong u leh wa neiliang yong oo daw yaleh u katwa ye wow yaklam wa ka sorkar wow pynsmat yei e yarap cha kini ki manyung.
