U Dawan Lyngdoh, MDC 10-Mynsngat Khanduli Constituency, ha ka 16 tarik uni u bnai hei pyrtuid yong kiwa yahkhmat chnong wa ki paidbah kani ka thaaiñ da lai u wow pynkynmoo ya u montri wa toh u pait ya ki kaam pynroi nongkyndong, u Hamletson Dohling neibynta wow pynkynmoo ya u Montri hajrong ka C&RD Block ha Namdong kawa da thmu wow wai nadooh u snem 2013 tangwa hadooh katni dang sahteiñ.
Kamtæ hajrong ini, u MDC ka thaaiñ ynnin ka sngi da lai u yow pynkynmoo biang ya u montri wei ha ini i yachem neiliang u Hamlet da mynjur u wa ka Namdong da em hok ko wow yoh noh ya ka C&RD Block neibynta wow e chakri wa biang ya u paidbah cha ki thaaiñ nongkyndong kiwa dang im ha ka rep ka riang wei khamtam ya ki bru kiwa em cha thaaiñ khappood kiwa da chem chitom wow lai pyndep ya ki kaam yong ki chadooh Thadlaskein C&RD kawa da jngai palat ya ki kam kiwa sah cha khappood.
Kamtæ hajrong ini, u montri da kular u wow pynsñiaw ya kani ka phang cha ki Montri ka sorkar yow pynmankaam yeiwa emkaam u paidbah ka thaaiñ Namdong.
