Lai pynlait ka Indian Navy ya kiwa khwe dakha wa chah ksoh ha ki Somali Pirates

Ki chipai ka Indian Navy wa em haka jhaad yaleh thma wa tip kam ka INS Sumitra da yoh ki wow lai pynlait ya kiwa khwe dakha kiwa da chah ksoh ha ki Somali Pirate hapyrdi duriaw wa jngai 700 Nautical Miles na Kochi ha Arabian Sea.

Kini kiwa khwe dakha toh kiwa na Iran kiwa pynmemkaam yaka lieñ wa tip kam ka MV Iman kiwa em 17 ngut.

Ka INS Sumitra toh kawa leh yaka Anti-Piracy Operation hajan ka rood duriaw ka Somalia wa ha Gulf of Aden, heiwa da yoh khubor ko yeini wa chah rahbor kani ka lieñ ha ki Pirates heiwa kini ki bru da chah ksoh ki pyrchah yei mon ki.

Ki chipai ka Indian Navy da ye ki wow kdong ya kani ka lieñ heiwa da ye ki wow pynbor ya kini ki Pirates wow pynlait noh ya kini ki 17 ngut deiwa bood ya ki kyndon (SOP) heiwa da phah chwa ya ka Helicopter wa kit ka INS Sumitra wow lai hær hajrong kani ka lieñ deiwa phah wow pynlait ya kini ki bru deilang waka lieñ wa pynemkaam ki. Neiliang kini ki Pirates leh da kohngooh ki yeini.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien wa da dep leh ya waroh iwa emkaam da ki bru ka Navy da chah ya kani ka lieñ wow lai luti biang ko.

Ini waroh da jia hapyrdi i sdang ka seiñ kieñ suloi kawa na Iran wa tip kam ka Houthi wow siat ya ki jhaad wa kit mar kiwa lai luti na ka Red Sea wa kiwi ki bynta wa pynemkaam kam ki luti khayi pateiñ heiwa ka India da phah ko ya ki Indian Navy wow lai sonteri ya kini ki thaw yow lait nei chah thombor ki jhaad ki lieñ.