Ka Dorbar Chnong Shangpung Moolibang lyngba ka Village Covid-19 Management Committee dei mynsien wa sñiawkhia da pynman ko ya ka Awareness Programme ha ki ar sngi nadooh ka 23 tarik hadooh 24 tarik uni u bnai yow pynsñiawthooh chaphang u khñiang COVID-19 kamjooh ki laad wow yada.
Da emlang ha kini ki sngi deilang wa ki kattu katni ki dkhot ka Committee kam u Waheh Chnong, Chairman, Secretary, ki wakreh Asha wa ki wakreh ka Dispensary.
Da lai ki wow yachem wa kiwa boon ki bru ka chnong wow batai yei bakla hawa yada nei poor ka khlam wa kiwi kiwa toh u leh kamjooh i batai kammon wow deiñ ya ki Mask, u yajngai uwi na uwi, i rukom sait kti, i wym hoi u ya chong ha ki dukan palat ya ki arngut wei palat san ngut ha kiwon kiwon ki thaw paidbah.
Da yoh leh i batai ya ki khynnah wa ya kiwa da heh rta wa ym hoi u mih ki cha ki thaw paidbah.
Kam chibynta wow pynsñiawthooh ya kiwa chong chnong kani ka chnong, da saam leh ya ki Mask ha kini ki ar sngi cha kiwa chong chnong khamtam cha ki dukan wa cha ki kattu katni ki manyung wa dooh wa duk.
Ka Committee da kyrmen ko wa wa lyngba kani ka pynsñiawthooh paidbah daw yarap ko chiboon wow jop yaka khlam COVID-19.
Ka kyrwoh na u Secretary ka Village Covid-19 Management Committee.
