Ka Joint Action Committee (JAC) Ri-loom Jaiñtia kawa man ka satri ki seiñ wa kynthup ya ka All Jaiñtia Commercial Vehicles Association (AJCVA), Ri-loom Jaiñtia Traders Association (RJTA), Hynniewtrep National People’s Federation (HNPF) West Jaiñtia Hills District, Jaiñtia Youth Federation (JYF), Meghalaya People’s United Front (MPUF) ynne ka sngi da lai yachem ko ya ka yung ka sem u (L) Cherishsterfield Thangkiew.
Ha ini i yachem neiliang ka JAC da yaklam yillu bha ko wa ka yung u Thangkhiew heiwa neiliang ka yung da klam chei ko wow lai bait ko chakhmat wow yoh ya i hok u Thangkhiew wei da kular ko leh wow krehlang wa kawon kawon ka seiñ neibynta ka imlang sahlang.
Neiliang ka JAC leh da e yarap ko da ka song poisa cha ka yung u (L) Cherishsterfield hanla man i e iwa khian.
Ha kani ka sngi da yoh leh i klam na u Pailakordor Lyngkot, u Ombormi L Tariang, wa na u President ka MPUF u Dapoiwanmi Laloo heiwa ka JAC da rai ko da iwi i sur wow krehlang wa ka yung kamjooh leh wa ka Sur ki Nong Mawlai hi waroh kawi.
