Ynnin da em i jia wa sñiawsih iwa da wan jia ha kawi ka manyung ha Mihmyntdu heiwa da suba wa uwi u manpa da dat da bom u ya ka kurim yong oo wei da pasi ya ka hadooh wa khlaad ko wei da noh u ya u khon uwa dang 7 snem cha ka wah um tangwa da lait uni u khynnah.
Ynne ka sngi neiliang ka seiñ Jaiñtia Students Movement (JSM), hapoh i yahkhmat u Working President, u Suni Bareh, Joint Secretary u P. Phawa, u Secretary ka Thadlaskein u Kermiki Bareh wa ki dkhot ka seiñ da lai pyntngen wei da lai e yarap ko cha kani ka manyung.
Ka seiñ da lai e yarap ko da u khoo wa kiwi kiwi chirup wa ki kyntien e mynsien ya kani ka manyung.
Chooh chooh ka seiñ da dawa na ki pulit wa ki bor sorkar wow thooh wei wow kem noh ya u kurim kani ka manbei wei wow pynchitom ya oo deiwa khor.
