U Montri Rangbah ka jylla, u Conrad Sangma da pyntip u wa hei yachem wa u Montri ki Kaam Pohyung ka sorkar pyrdi ynne heiyatoh wa iwa jia ha Mukroh da yaklam leh yei dawa ILP, i dawa tipmit ya ka ktien Khasi wa Garo hapoh ka 8th Schedule wei wow pynkrehkaam noh yaka MRSSA.
Da ong u wa da pyntip ha u Amit Shah yeiwa da dep chim ya ka rai wow pynkrehkaam noh ya ka ILP hapoh ka Assembly wei da dawa wow e laad noh ya ka sorkar jylla wow pynkrehkaam noh yaka MRSSA kawa da dep wow mynjur hapoh ka Assembly tangwa kawa dang yang yei yoh mynjur naka sorkar pyrdi.
Da ban joor leh ha u Montri ka sorkar pyrdi wa ym toh u ktah yei lai i wan wa i poi ki mar wa emkaam chapoh ka jylla wei ki jylla wa marjan kamjooh ka sorkar pyrdi toh u krehkaam lang ki yow pyntikna wym thut ini waroh.
