Jowai: Ka seiñ Jaiñtia Students’ Union Central Body (JSU-CB) chirup wa ka JSU-Jowai Circle (JSU-JC) ynne ka sngi da lai saam baam ko ya kiwa sah ha ki ar thaw wa em hapoh West Jaiñtia Hills wa kynthup ya ka Dr. Norman Tunnel Hospital wa ka Children’s Home Boys, Mynthong.
Ha ini i lai saam baam neiliang ka JSU da yahkhmat da u General Secretary ka seiñ, u Jersom Shylla, u President ka Jowai Circle, u Neal Jordan Rymbai, u Organising Secy. u Yoosar Kynjiñ, u Treki Mukhim u Publicity Secy. ka seiñ wa kiwi kiwi ki dkhot ka seiñ.
Ha kani ka lai e sñiawbha da synraan lang leh da u sahep u N. Garod uwa man u District Housing Officer wa u K. Pakma uwa man kam u Asst. Engineer (PWD) North Division.
Ka seiñ da dap ko dei mynsien wa khroo wow lai e baam ya kiwa kjut wa em ha kani ka thaw sumaar kamjooh leh ya ka thaw ri ya ki khynnah chynrang heiwa da sakhi ya ki khmat wa kmen wei kiwa sooh rkhai.
Heijooh i por ka seiñ da kitbok kitwriang ko leh ya waroh kiwa chah sumaar wow yoh noh ki yei doh i pran wa chait wa khiah kamjooh leh ya ki wow man ki kiwa minot wa kiwa kreh chitom khnang wow ye ki u wanrah naam ym du ya ka jaitbru ka jylla tangwa wot ya ka ri hi waroh kawi.
Chooh chooh ka seiñ da ekhublei sngi lautlooid ko leh ya waroh ki khon u Ynñiawtrep.
Discussion about this post