Kam chibynta wow pynsñiawthooh paidbah yei maa nei pynemkaam drugs kamjooh i dai drugs, neiliang ka yung krehkaam ka District Social Welfare Office (DSWO) deiwa ya krehlang wa ka yung krehkaam u District Sports Office (DSO) waka West Jaiñtia Adventure and Cycling Association, da pynman ki ya ka Bike/Cycle Rally ynne ka sngi.
Kani man ko leh kam chibynta ka International Day Against Drug Abuse and Illicit Trafficking, yow pynskem yei rai wow pynkhlan yei yakhih yow pynman ya ka ri kawa khooid kawa lait nei pynemkaam drugs.
Hajrong kani ka thong da pynman leh ya ka yalang pynsñiawthooh ya kiwa chimbynta kamjooh ka chnong ka thaw chaphang i chah kdoh chah khoom hei dih drugs wei kammon u leh yow ye u man kiwa lait na ini i kaam.
Kiwa yah Cycle da lai ki lyngba kiwa boon ki luti syngkieñ ka chnong Jowai deiwa rah ya ki Banner wa da thoh yow pynman ya ka imlang sahlang kawa lait nei dih drugs wei da saam leh ya ki kot lakdop cha ki bru paidbah kiwa da batai che chaphang i maa nei pynemkaam drugs.
Discussion about this post