Lai sneiñ ka JNC ya u BM ka Ladrymbai Rural Bank wym toh u khor ktien ware ya ki paidbah

Ka seiñ JNC da lai ko wow sneiñ ya u Branch Manager ka Ladrymbai Rural Bank, East Jaiñtia Hills District deiwa ong wa neidaw wym tip u burom ya ki bru wa pynemkaam kamjooh kiwa em Account ha kani ka Bank.

Ka seiñ da ong ko wa hawa yaklam wa kiwa em Account ha kani ka Bank da ujor ki wa neipor cheipor wa chah klam pynkhor ha uni u Branch Manager iwa da pynsñiawsih hadooh kattæ kattæ ya kiwa dooh wa duk ki wym em i stat i tip khamtam ya kiwa na palatsor.

Hajrong ini, ka seiñ da lai yachem wei da maham ko ya uni u Genral Manager wym toh u chim kabu ya kiwa dooh wa duk, da ong leh wa da toh u tip u burom ya kiwa wan wai Accoount wei ymtoh wow khor ktien ware yow em i yajan ya bha hapyrdi ki wakreh wa ki bru wa pynemkaam ya kani ka Bank.

Neiliang u Branch Manager da kular u hakhmat ka seiñ wow jem ktien wei wow ya krehlang wa ki paidbah neibynta i bha i miat ka imlang sahlang.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024