Jowai: Ka seiñ Meghalaya Peoples’ United Front (MPUF) hadien wa yoh ujor ko na u Waheh Chnong ka Krem Myrsiang u Kyrmen Lyngdoh ryngkat wa ki paidbah yei sahdien kani ka thaiñ khamtam u sarok ha kani ka 13 tarik uni u bnai da lai sylli ko ya ini waroh.
Ha ini i lai sylli ka seiñ da chem sakhiat ko yeini heiwa wot u sarok wow psiah cha chnong namo u Approach Road leh ym em u, iwa da booh yei eh i khoo ya ki paidbah.
Chooh chooh da ong ko wa ym du itæ ka chnong leh ym em ko iwon iwon iwa emkaam wei iwa kongsan dooh toh wa u sarok.
Ha kani ka sngi da em leh ka yalang wa da pyllai da u Waheh Chnong wei da yoh i klam na u President ka seiñ u D. Laloo wei hadien kani ka yalang dalai pait leh ya u sarok hapoh ka chnong.
Neiliang ka seiñ da ong ko wa daw lai yachem ko ya ki heh ka PWD hei yatoh wa ini waroh yow suk ki paidbah kiwa chong chnong kani ka chnong.
Discussion about this post