Ka Public Accounts Committee (PAC) ka Meghalaya Legislative Assembly ynne da pynman ko yei lai sylli ya ki thaw sumaar ha Shillong heiyatoh wa i pynkrehkaam ya ka Megha Health Insurance Scheme (MHIS).
Kini ki thaw sumaar kynthup ki ya ka Civil Hospital Shillong, Ganesh Das Hospital, North Eastern Indira Gandhi Regional Institute of Health and Medical Sciences (NEIGRIHMS) wa Super Care Hospital.
Ha i lai sylli, ka Committee da yaklam ko wa kiwa pynlai ya kini i thaw sumaar kamjooh kiwa kreh ka MHIS wow ap yei yoh myntoi ki paidbah wow tip yei chem chitom ki heiyatoh i yoh myntoi na ka Scheme.
Kini ki dkhot ka Committee kynthup ki ya ka Miani D. Shira, MLA & Chairperson, Public Accounts Committee, u Dr. Celestine Lyngdoh, MLA & Member, u Brightstarwell Marbaniang, MLA & Member, u Rupa M. Marak, MLA & Member wa u H.M. Shangpliang, Adviser (Administrative), Public Accounts Committee
Ka Miani D. Shira da ong ko wa i lai sylli toh wow sñiawthooh yei rukom krehkaam ka MHIS ha ki thaw sumaar sorkar wa ki yong ki bru samen yow lait u em iwon iwon i thut.
Neiliang ka PAC daw pynlang ko yeiwa chem ko wei daw e ki yei tyrwa cha ka sorkar khnang wow pynkhlan yei krehkaam ka MHIS wow suk ki paidbah.
Discussion about this post