Lai toor ka KSU cha i thaw pynman dorbar yow pyrchah MSIPF wa luti rel

Ki dkhot ka Khasi Students’ Union (KSU) ynne da lai toor ki cha ka thaw pynman dorbar ka sorkar namo ka Meghalaya Legislative Assembly wa em ha Rilbong, Shillong yow pyrchah ya ka Meghalaya State Investment Promotion & Facilitation Act (MSIPF), 2024 wa yei thmu wanrah luti rel ha Khasi wa Jaiñtia Hills.

Yeini da yahkhmat da u President ka seiñ, u Lambokstarwell Marngar heiwa da rahlang ki kot wa da thoh ki kyntien pyrchah deiwa kabai lang leh yow pyrchah ya ka MSIPF wa i wanrah luti rel.

Tangwa ki bor pulit da khanglaad ki wow lai chadooh wow poi cha ka Assembly.

Related posts

Yoh kjut palat 50 ngut ki khynnah ka JNV Rymbai nei leh habra i pynkhreh baam ya ki

November 25, 2025

Yap ka kynthai wa haap napoh ka kari wa yah u chan ko | Dang pynman ki pulit yei takit

November 25, 2025

Neiliang ka KSU da dawa ko wow pyndam noh ya ka MSIPF deiwa ong wa ka Meghalaya Investment & Manufacturing Agency (MIMA) toh kawa yarap ya kiwa na baar wow pynyoh thaw ya ki yow seiñ khih ki wei kani man ko pyrchah ya ka aiñ Meghalaya Land Transfer Act.

Ka seiñ da pyrchah ko leh yei wanrah ya ka luti rel khlem da em ki laad yada nei wan psiah laitlan kiwa na baar deiwa pynkrehkaam chwa ya ka Inner Line Permit, wei du hadien itæ u yaklam chaphang ka luti rel.