Lai tympleh ka KSU yeiwa bakla pyrtuid ya ka chnong Khliehriat | Jubab pynkhor u heh ka NHAI

Ka KSU Jowai Circle ynne ka sngi da lai tympleh ko yei pyrtuid wa da thoh bakla ha ka Signboard ka NHAI ha Soomer hajan laad sarok Jowai Bypass heiwa da thoh ‘Khaleriat’ heithaw wow thoh Khliehriat.

Yeini da leh hadien wa ki paidbah da ujor ki yeini wa da bakla wei ka seiñ da phah ko leh dei thoh cha ka NHAI yow pynbait yeini deiwa booh da ka Signboard wa thymme hapoh chi bnai neibhah ini iwa bakla kamni man ko i dooh burom ya ka chnong Khliehriat.

Najrong wa phah wow pynbait ya ka Signboard da phah leh wow pynbait ya waroh ki kot ki sla kamjooh ki Digital Platform.

Hawa lai yachem ka seiñ ynne ya ki heh ka NHAI, da e jubab pynkhor pathan ki deiwa ong, “I wan khrong dan donhi i cheini dep tæ liwan i wan i, ymtip i yeitæ i bakla næ wym bakla.”

Related posts

Pynbna ka BJP ya ki kyrtong MDC cha GHADC

March 3, 2026

Sa 10 ngut ki kyrtong MDC cha GHADC pynbna ka NCP

March 3, 2026

Ka seiñ hawa sñiaw yeini wa ong uni u heh ka NHAI da pynchrai wei da sñiawthooh wa ini toh iwa leh chynnam.

Ka seiñ da kyntu ko ya ka chnong Khliehriat wow ujor syndon da ka FIR ya ka NHAI wei da maham leh ya ki dukan, ki thaw krehkaam wa kiwi wow thoh deiwa biang yei pyrtuid chnong wei lada chem ya kiwon kiwon kiwa leh bakla daw pynchitom ki katkam ki kyndon aiñ.