Uwi u Professor ka Medical College wa em ha palat ka sor Bengaluru da chah pynngat u ha ki kyndon aiñ wa pyndik u ya ka kynthai wa lai puræ hadien wa lai tyrwa u yei maya yong oo cha ka hapoh ka Classroom deiwa emlang leh kiwi kiwa lai puræ wei yeini waroh da em wa riñ Video.
Uni u Professor toh uwa da chah khang wow psiah chapoh ka Campus ka Sri Siddhartha Medical College tangwa da leh u yeini hadooh wa poi chei chah dat u.
Ki pulit da pyntip ki wa ini da jia i ha ka 23 tarik uni u bnai ha kani ka Medical College ki bru samen wa em ha Nelamangala heiwa ha i Video wa da poor bha da sñiaw wa uni u Professor wa khana u yei maya ya kani ka kynthai wei da tyrwa (Propose) u ka wei da ong u wow saam Chocolate cha kiwa lai puræ wa em ha kani ka Classroom.
Neiliang ka kynthai da pynsñiaw ko yei pyrchah yeini wa leh uni u Professor wei da ong ko ya oo wow lai yaklem u wa u Principal tangwa uni u Professor won da ong u wa kani ka kynthai dadep ko wow ong “I Love You” ya oo wei ye u wow pynsakhiat yeini neibhah wa da yoh leh wow riñ da ka CCTV heiwa kani ka kynthai da dawa ko wow pynyoo u yeini i sabut, kamtæ da mih u napoh Classroom deiwa ong yow yaklam ha ka sngi wa bood.
Hadien ini, kini kiwa lai puræ da bood ki oo cha lait heiwa da chah thap chah kynjet u wei chah dat u da ka Slipper katwa kiwi won da tim ki oo.
Hachwa ini, uni u Professor da em u boon ki ujor pyrchah ya oo yei leh u ki kaam wa khlem akor wei neiliang ki bor pynlai ka College da khang ki ya oo wow psiah u chapoh ka College Campus.
Discussion about this post