U Montri Rangbah ka jylla, u Conrad Kongal Sangma da kyntait u wa em i tkoh ha ka chnat pynlang stat (Intelligence) yong ki pulit hajrong i chah hiar thma ka yung krehkaam yong oo ha Tura ha ka 24 tarik hapyrdi i yalang wa ki seiñbhalang na Garo Hills.
Da ong u wa neiliang kani ka chnat dadep maham chwa ko wa ymtoh u lai cha kani ka yalang neibhah wa daw mih i jia wa sñiawsih, tangwa da rai u wow lai yachem bait wa kini ki seiñbhalang yong ka thaaiñ neibhah dadep kular chwa u ya ki.
Heiyatoh wa i dawa yong ka Trinamool Congress (TMC) wow kyrriah chwa ya u Director General of Police (DGP) wa ya u Superintendent of Police ka West Garo Hills, u Conrad da ong u wa ini i dawa ym yahaap i katkam i dawa da u Dr. Mukul Sangma.
Da ong u wa ki pulit da leh ki ya i kaamram wei da yada ki ya oo wa ki bru wa em wa oo wei da tia ki chaphrang hadooh wa da mynsoo ki, wei wow pynbaad ya ki pulit ymtoh iwa toh khamtam na u Montri Rangbah warim uwa sñiawthooh bha ya i rukom krehkaam ki pulit.
Hajrong i pynbaad ya u DGP wa u SP hajrong i rukom kem ki pulit ya ki bru kiwa da pynmih ya i kulmar, u Conrad da ong u wa ki pulit da leh ki yeiwa emkaam katkam wa chem ki wa ki sakhi, wei da jia ryngkhat wa kitu kiwa chah kem embynta ki wa ki seiñ saiñhima.
Discussion about this post