Ka FKJGP War Jaiñtia Circle kam chibynta wow booddien yei wym pynchna ya u Transformer wa da sih ha chnong Padubah kattu wa da jan dap ar bnai, ha ka 7 tarik da lai yachem ki wa u Deputy Commissioner ka West Jaiñtia Hills District, Jowai yow ujor wei ko pynsñiaw yeini heiwa da kular u wow chimkhia yeini hapoh ki kajiak sngi.
U DC da ong u leh wa daw thoh u cha ka MeECL yow pynyoh bordiñ smat ya kani ka chnong heiwa neiliang ka seiñ da e por ko chi tayaw wow leh yeini i kaam.
Ha ka jooh ka sngi ka seiñ da lai e ko ya ka ujor cha u Executive Engineer MePDCL Jowai Distribution Division u, M. Rymbai uwa da kular wow chimkhia wow leh yeiwa emkaam yow pynyoh Transformer wei da ong u wa daw yarap smat u wow klam yeini i kaam mar ya lai Shillong ha kini ki kajiak sngi.
Puræ leh: Yaphær ka poisa kiwa sah sor wa kiwa palatsor, awjan ar bnai dooh bordiñ ha Padubah
