Ka seiñ HYC Narpuh Circle da lai ujor ko pyrchah ya ka Amrit Cement kawa em ha ka chnong Umlaper kawa haap hapoh ka Elaka Rymbai, yei wym bien kani ka karkhana wow burom ya ka chnong kamjooh kawa ban beiñ ya ka chnong ka wym jooh e iyi i yarap yow wanrah ya ka roi ka paar hapoh ka chnong.
Hawa kyruiñ cha ka bhah thung kreh, ka seiñ da ong ko wym em tang uwi leh u tre chnong uwa yoh kreh ha kani ka karkhana wei ya ka luti lai yong ki leh da khang wei da pynwit hawa pynemkaam da ki tre chnong kiwa jooh chem yei eh wow yoh ya ka kamai kajih.
Ka seiñ da ong ko leh wa ka karkhana ym du wa leh embor ko tangwa da yooh beiñ ko ya kiwa chong chnong deiwa noh yei jakhlia hapoh u pood u ang yong ka chnong.
Hajrong ini, ka seiñ ynnin ka sngi da lai ujor ko ha u DC ka East Jaiñtia Hills yow pynsñiaw yei dawa yei hok yow pynbait smat ya ini i eh wa kani ka chnong da maad ko.
