Ka Hynniewtrep Youths’ Council (HYC) War Jaiñtia Circle ynnin ka sngi ka 24 tarik hapoh i yahkhmat u General Secretary u Tohmondiam Mukhim deilang wa u Asst. Secretary u Ededisuk Shylla da lai ujor ki cha u Sub-Divisional Officer PWD, Amlarem, hajrong i wym biang i rukom chna næ kreh ya u sarok na Tamabil chadooh Amsku wa dang dep chna ha u snem 2019.
Katkam i ong ka seiñ, da chna ya utai u sarok hapoh ka MORT&H kawa wan poisa naka sorkar pyrdi hapoh ka Project Improvement Including Metalling & Black Topping of Dawki-Muktapur Road (L=10Km) Under CRF for the year 2018-2019 in the state of Meghalaya (JOB NO. CRF/MG/2018-19/062) kawa pait daka yung krehkaam u SDO PWD, Amlarem, tangwa da pynkhyrngiat yaki paidbah ka thaaiñ wa mar ya dep chna ya utai u sarok, du hadien kattu katni por da sdang wot u wow piah u pra katkam wa da sakhi da ki paidbah ka thaaiñ.
U General Secretary, u Tohmondiam Mukhim da kyntu joor u yaki bor wa toh u pait wow paitbniah ya i rukom kreh ya utai u sarok khnang waki paidbah wa lai wa wan kamjooh kiwa chong chnong ka thaaiñ u suk ki hei lai i wan. Da ong leh wa ka seiñ daw booddien ko rap bniah ya ini i kaam.
Neiliang ka seiñ leh da beiñ joor ko yeini i kreh khalær ya utai u sarok wei ha i jooh i por ka seiñ da kyntu wei da maham ko leh ya ki Contractor wei kamjooh yaki bor wa toh u pait lada ym kreh bha ya i kaam wa da pynkup haki neini chakhmat.
