Ka Jaiñtia Students’ Union-Syndai Unit hapoh i yahkhmat u President, u Pynshailang Suliang da lai ki wow yachem wa ka District Medical & Health Officer (DMHO) ka West Jaiñtia Hills District hadien wa lai pait ka seiñ ya ka Pdengshakap PHC ha ka 21 tarik u bnai wa dep heiwa da chem wym em Doctor.
Hajrong ini ka seiñ da booh ko da ka ujor ha ka DMHO deiwa ong wa kamwa chem wa ha ka sngi Saturday ym jooh em Doctor wa wan tista iwa da ktah chiboon ya ki paidbah kiwa dooh wa duk kiwa wan cha kani ka PHC wei da yoo phylla leh kammon ki Doctor kheiñstiñ ki yei kjut i chitom ki paidbah kamjooh kiwa kha wa pun.
Ka seiñ ha ka ujor da ong ko leh wa duna ki dawai dachin ha PHC wa ha ki Sub-Centre kiwa emkaam wow dap u biang neibynta i myntoi ki paidbah khamtam kiwa dooh wa duk.
Ka seiñ da dawa ko leh wa ki Doctor toh u lai ki cha ki ar tylli ki Sub-Centre chisien chi tayaaw kiwa em ha Syndai wa Tranglang khnang wow pynsuk ya ki paidbah khamtam kiwa da tymmen ki wym ye de u chong kari jngai.
Da pynkynmoo wa lada ki Doctor ye ki wow lai man-i-por khamtam heipor ka khlam COVID-19 ileh won wym ye wow leh katni.
Discussion about this post