Ynne ka sngi, ka Khasi Students Union (KSU) Jowai Unit ha i yahkhmat u Ewanmi Phawa, President wa u Solangki Paslien, General Secretary wa ki kattu katni ki dkhot yong ka, da lai yachem ki ya u sahep yong ka MeECL neidaw wa khian wei tlot palat ka bordiñ ha ki thaaiñ ka Mihmyntdu, Lumpyrtuh Mowamon wa kiwi kiwi ki dong yong ka Mihmyntdu.
Ini i lai ujor toh hadien wa ka seiñ da yoh ko yei ood i naam na ki paidbah khamtam wa chem chitom palat heipor miet wa hap wow chet ja, chet baam.
Neiliang yong u sahep katai ka chnat mar ya yoh u ya kani ka ujor naka seiñ da lai pait u wut wut cha kitai ki dong wei da chem sakhiat u wa tlot bor wei khian ka bordiñ heiwa da kular u leh wow chimkhia yow leh ya iwa emkaam ha kini ki sngi wow wan.
Neiliang ka seiñ da e khublei ko leh ya u sahep uwa da chimkhia ya kani ka ujor yong ka seiñ.
