Ka KSU War Jaiñtia Circle ynne da lai ujor ko cha u SDO ka Amlarem Sub-Division yeiwa da jia haka 11 tarik uni u bnai ya u Dr. Seiboklang Buam, AH & Veterinary Officer, Muktapur Veterinary Dispensary heiwa ki chipai 4th Battalion ka BSF da leh embor ki ya uni u Doctor lakam u baar ri.
Ha kani ka ujor, ka seiñ da ong ko wa kini ki BSF da khang laad ki ya oo wow lai luti u heipor wa mut u wow lai khwe ha i bynta wa dang haap hapoh ka chnong Muktapur-Lakroh heiwa da maham ki wot wow siat oo wei da pyrchang ki wow taan oo leh cha Zero Line deiwa pynbaad wa emkti u wow chalan tooh tangwa da lait u neini waroh deiwa wan tuklar ki kynthai wa lai khwe.
Ka seiñ da ong ko wa kini ki BSF da pynylooid sula ki ya uni u Doctor wei da phah paan maap ki oo deiwa tba yei kjat ki.
Chooh chooh ka seiñ da ong ko wa ini ymtoh i sien wa nyngkong wa da leh kini ki BSF ya kam kini ki kaam heiwa da pyndik ki ya kiwa lai yaaw, kiwa lai rep deiwa pynsangeh ki leh ya ki kari ki bru wei da kynreh ki leh deiwa chimpor bha hadooh wa sih ki mar ki mata wa kit ki bru.
Kamtæ ka seiñ da dawa ko wow leh ka sorkar yeiwa emkaam deiwa pynchitom ya kini ki BSF neibah ki paidbah ym neh chah de ki yeini i chah lehbeiñ ha ki bru wa toh u yada ki
Ya kani ka ujor da phah leh cha u DC ka West Jaiñtia Hills District, cha ka Chairperson ka State Human Rights Commission, cha u Montri ki Kaam Pohyung, u Prestone Tynsong wa cha u heh ka BSF.
Discussion about this post