Lai VPP ki Constituency ka West Jaiñtia Hills

Hawa pait yei niaw Vote wa ki yukheiñ wa da yoh napoh ki Constituency wa em hapoh ka West Jaiñtia Hills ha waroh ki 5 tylli, ki paidbah da lai ki cha ka VPP.

Ha ka 1-Nartiang hadien wa dep niaw Vote ha ka Round 7, u kyrtong ka VPP, u Ricky AJ Syngkon da yoh u 19,346 Vote katwa ka kyrtong ka NPP, ka Dr. Mazel Ampareen Lyngdoh da em ko hei wa ar deiwa yoh 10,974 Vote katwa u kyrtong ka Congress u Vincent H Pala da em u hei wa le deiwa yoh 3560 Vote.

Ha ka 2-Jowai leh u kyrtong ka VPP da tam u hadien ka Round 6 deiwa yoh 17,699 Vote, ka kyrtong ka NPP da yoh wa ar ko deiwa yoh 8427 Vote katwa u kyrtong ka Congress da yoh wa le u deiwa yoh 3538 Vote.

Ha ka 3-Raliang leh da man kamjooh heiwa u kyrtong ka VPP hadien ka Round 6 da yoh u 18,390 Vote neitæ bood sa ka kyrtong ka NPP deiwa yoh 4828 Vote wei hei wa le da em biang u kyrtong ka Congress uwa da yoh 2647 Vote.

Related posts

U bichaar ka High Court lada ym ye ki sorkar wow pynbait yei long i man ha NEHU

November 13, 2024

Ileh wa e kti yow pynchna ya u saroh NH-6 cha ka Dhar Company ka wym biang tiar biang bru: KSU-EJHDU

November 13, 2024

Ha ka 4-Mowkaiaw em i kylla kajiak heiwa hadien ka Round 6 u kyrtong ka VPP da em u hei nyngkong hi deiwa yoh 12,272 Vote tangwa hei wa ar da em u kyrtong ka Congress uwa da yoh 7189 Vote katwa ka kyrtong ka NPP da em ko hei wa le deiwa yoh 4412 Vote.

Ha ka 7-Amlarem leh da sariem kam ka Mowkaiaw heiwa hadien ka Round 7 da tam u kyrtong ka VPP uwa da yoh 17,425 Vote, hei wa ar da em u kyrtong ka Congress uwa da yoh 6353 Vote wei da pynbood da ka kyrtong ka NPP kawa da yoh 4430 Vote.

U kyrtong ka VPP da yoh u waroh 85,132 Vote hadooh kattæ na West Jaiñtia Hills, ka kyrtong ka NPP da yoh ko 33,072 Vote, u kyrtong ka Congress 23,287 Vote, u kyrtong ka UDP da yoh u 3655 Vote neitæ bood sa ki kyrtong samen heiwa u Prof. Lakhon Kma da yoh u 3493 Vote katwa u Peter Shallam da yoh u 1253 Vote.