Ka KSU ynne ka sngi da lai wah Banner ko ha kylleiñ ka nongbah Shillong yow pynkynmoo paidbah yeiwa jia chah siat ha Mukroh iwa da dap chi snem thij ynne ka sngi.
Ynnin u snem, 5 ngut kiwa chong chnong ka Mukroh da chah siat ki ha ki pulit ka Assam heiwa ha ini i yasiat da toh siat yap leh ya uwi u Forest Guard ka Karbi Anglong Autonomous Council iwa da jia hapoh u pood ka West Jaiñtia Hills.
Ka KSU da lai wah Banner ko ha kiwa boon ki thaw kam ha Main Secretariat Building, ha u mot u Kiang Nangbah wa em hajan Civil Hospital Shillong, ha Khyndai Lad, ha Motphran, ha Laitumkhrah wa ki thaaiñ ka Golflink.
Ha kini ki Banner da thoh ya ki kyntien wa pynkynmoo wa ka “Mukroh toh kawa dang haap hapoh ka Meghalaya” neitæ “Da lai chi snem tangwa ki paidbah dang sah hei doom” da em leh kiwa da thoh yei pyrtuid ki 5 ngut kiwa khlaad.
Ka KSU da ong ko wa ki paidbah ymtoh wow mylliñ ki yeini wa jia iwa man i daw bah ka jaitbru.
Discussion about this post