Shillong: Ka Akhil Bharatiya Vidyarthi Parishad (ABVP) Meghalaya ynne ka sngi hapoh i yahkhmat ka Darilin Tang kawa man ka State Secretary ABVP-Meghalaya, da lai yachem ko ya u Lat ka jylla heiwa da ekti yaka dorkhat wa da e yumut heiyatoh wa i rukom puræ ki khynnah skur, College wa University.
Neilang ka ABVP da e yumut ko yaka sorkar wow chimkhia ko katwa em ki laad ki luti wow pynbiang ya ki khynnah khamtam ha ki Semester wa da dep kamjooh leh ya ki class IX, X,XI wa XII wow leh katwa ye wow pynbiang ya ki khynnah puræ.
Neiliang kiwa pynlai ya ki skur namo ki thaw puræ (Institute) leh toh u chimkhia ki u yarap u e yutip cha ki khynnah lyngba ki phone, e-mail yoh ki u pynsñiawthooh yaki khynnah.
Ka seiñ da e yumut ko leh yaka sorkar wow pynche heiyatoh wa ka bai skur wa kiwi ki thaw puræ waphær waphær deiwa ban joor yaka sorkar wa toh u pynlait ko ya ki Scholarship ya ki khynnah yoh ki u pynemkaam ha kam ini i por.
Heiyatoh wa ka Syllabus yong ki khynnah puræ toh u pynbait ka chnat puræ puthi wa kammon u jied yaki Subject wow hikai khnang wow myntoi ki khynnah puræ.
Ka ABVP da kyntu ko ya u Lat wow pyrkhat wei wow chimkhia ya kani ka bynta wow yarap ya ki khynnah ha ka jylla.
