Kam chibynta wow booddien ya u mooyong wa da chah kem ha East Jaiñtia Hills District, neiliang ka seiñ EJNC Khliehriat Circle hapoh i yahkhmat u General Secretary, u Mebnteilang Sukhlain da lai yachem ki wa u Deputy Commissioner ka District, u A. Baranwal ynnin ka sngi yow yaklam wei wow thooh bniah ya ini i kaam.
Neiliang yong u DC da khana u wa ka yung krehkaam yong oo ym pu yoh yutip ko iyi iyi hadooh katni na ki bor kiwa hajrong ya iyi wa daw leh ya uni u mooyong wei dang yei rai yong ki bor wa haneiñ tangwa da pynche u wa katkam ka hukum ka yung bichaar ya uni u mooyong toh u dai lilam noh deiwa bood ya ki kyndon wei ki tre mooyong leh daw yoh ki yei bhah yong ki.
Kamtæ ki paidbah ym toh u tieñ ki lane wow em ki iwon iwon i kulmar tangwa u em ki yei yai chah, pynkut u DC.
