Kiwa yahkhmat ka JAC wa kynthup yaka MPUF, JSM, JYF wa HYC ynne ka sngi da lai yachem ki wa u DTO ka West Jaiñtia Hills District hajrong i ujor na kiwa boon walang yei ku bai kari hapoh ka chnong Jowai khamtam ki Local Taxi hapoh ka District.
Ha ini i yachem kiwa yahkhmat ka JAC, da dawa na u DTO wa thymme wow yaklam hajrong ini i ku bai kari wei da kyrpaad leh ya oo wow pynbait smat hapoh kani ka tayaw wa u khlieh ka District u Deputy Commissioner.
Neiliang u DTO da kular u yaka JAC wow yaklam hajrong ini wa u DC heiwa ka JAC da dawa ko leh wow pynbna smat ya i dor bai kari leh kamjooh.
