Jowai: Ka seiñ JSU (Central Body) ynne ka sngi da lai yachem ko wa u ADM ka West Jaiñtia Hills u D.M. Wallang ha yung krehkaam u Deputy Commissioner hei yatoh wa ka Mosque ka wa chna ha rood ka wah Myntdu.
“Neiliang ka yungkrehkaam u DC ym em e ko kawon kawon ka kot wow chah wow chna ya kani Mosque, kamjooh leh kiwi ki tnat sorkar kam ka Urban Affairs leh ym em u ebor ko yow chna ya ka” da ong ka seiñ.
Da pyntip ko leh wa katkam wa ong u ADM ka Order yong ka NGT kawa da yaleh wow yada ya ka wah Myntdu da ki bru samen ympu em u yoh ya ka wei hei yutip wada yoh, ka District Council u man ko kam ka wa embor (Competent Authority) wow e ya kani ka hukum wow yada ya ka wah Myntdu.
Kamtæ ka seiñ da kyntu ko ya ki bor district wow phah sangeh yei chna ya kani ka Mosque neibhah wa i em ko hajan kani ka wah daw ktah joor ko ya ka wah Myndu.
Discussion about this post