Ka Khasi Students’ Union-Barato Unit ynnin ka 13 tarik da lai yachem ko ya u Doctor In-Charge ka Barato PHC hadien wa yoh ki ya ka ujor na ki paidbah ka thaaiñ wa uni u Doctor da klam beiñ u ya ki paidbah wa wan thooh dawai wei kiwa wan sumaar ha kani ka PHC.
Neiliang ka seiñ da yaklam ko leh wa uni u Doctor markhmat wa ymtoh de wow jia kam ini neibhah oo kam u Doctor uwa da stat da tip toh u sñiawthooh u ya ki paidbah wei da kyntu leh wa lada ki paidbah ym burom markylliang ki, toh u pyntip cha kiwa yahkhmat ka chnong yow pait yeini.
Hadien wa dep u yaklam wa ka seiñ, da lai pait leh yei long i man kani ka thaw sumaar wei da chem chiboon i duna ha kani ka PHC nadooh ka um, kiwa kreh, ki kamra wa pynemkaam deilang wa u sarok
Neiliang ka seiñ da kyntu joor ko ya ki bor wa toh u pait wow pynbiang yeiwa duna waroh neibhah wym kwah wa neini chakhmat wow yoh u sñiaw wei chem wa kam kini neidaw wym ye ap ye pait de yei ood i naam ki paradoh parasnaam kiwa chong wa sah ha kani ka thaaiñ.
Ka seiñ lyngba kani ka khubor da kyntu ko ya ka Health Department yong ka ka sorkar jylla wow pynku kyrdan noh ya kani ka Primary Health Center (PHC) cha ka Community Health Center (CHC) neibhah i boon bru katni da man iwa emkaam wow pynku kyrdan noh.
Discussion about this post