Ka KSU Leimow Unit waka Jowai Unit ynne ka sngi da lai yachem ki ya u Manager ka Jio ha Jowai hajrong wa tlot i rukom e chakri katai ka Company wow pynbiang yaka Network ha ka chnong Mowtyrchiah, Mukhap wa Mowkaiaw.
Kiwa yahkhmat ka KSU da ong ki wa i thut ka Network yong ka Jio Company cha katai ka thaaiñ da ktah ko ym du ya i kaam i jaam wot hadooh i puræ puthi ki khynnah khamtam katni wa hap wow leh da ka Online Class.
Ka seiñ da ong ko leh sepai i pynyieñ ya u Tower cha kitai ki thaaiñ katwa ka Network won man ko kawa thut wa kawa duna kawa tlot bha.
Ha i jooh i por neiliang ka Jowai Unit leh da ujor ko cha kiwa pynlai katai ka Company hajrong i wym chimkhia yong ki wakreh katai ka Company yaki kaam wa toh u leh ko hawa yatoh wow lai pyndait Internet cha yung ki bru wot hadien wa da dep su yaka bai pyndait wei ini toh katkam wa pyntip da ki bru cha ka seiñ.
Neiliang u Manager katai ka Company da kular u wow chimkhia ya iwa ujor ka seiñ neibynta wow suk ki paidbah.
