Lai yachem ki ar seiñ ya ka Civil Surgeon hajrong i pyllait um cha u surokbah NH – 44

Jowai: Ki ar tylli ki seiñ kiwa kynthup ya ka Hynniewtrep Achik National Movement (HANM) deilang wa ka Jaintia National Volunteer (JNV) hei yahkhmat ki seiñ kiwa kynthup ya u Damommi S. Dkhar General Secretary HANM (Seiñbei) wa u Heibor Pariat Finance Secretary JNV (Seiñbei) da lai yachem ki ya ka Civil Surgeon yong ka Jowai Civil Hospital ha Ialong ka Dr A. Paswet ynne ka sngi hajrong i pyllait um khlemakor cha u surok paidbah iwa da wan rah ya i jæd i pra u surokbah NH-44.

Kani ka surok toh wa wym pu em slem dep pynchna wei da sih biang ko iwa da ktah bha yei lai i wan ki kari wa ki paidbah ha ini i bynta.

Hei yachem ki ar seiñ wa ka Dr. Paswet da kular u chna noh yei tai i lait um ha u SDO yong ka PHE. Heijoh ipor neiliang ka doctor da kular ko leh u phah da ka chithi cha ka tnat PWD yow chna pynmiat chooh ya oo khnang wow lait ka um wa mih na kani ka hospital u tooid lyngba u surok.

Neiliang kini ki ar seiñ da kyntu ki ya kani ka Superintendent wow leh smat ya ini khnang yow lait i thut i lai i wan ki paidbah kamjooh leh yow wanrah yei khooid i jngiar yong kani ka thaw.