Lai yachem u Conrad ya u Modi yow pynku yeiwa ye u yoh yarap ka Meghalaya lyngba ki EAP

U Montri Rangbah ka jylla, u Conrad Sangma ynne da lai yachem u wa u Prime Minister ka ri, u Narendra Modi yow pyntip ya kiwa boon ki kaam pynroi wa da leh hapoh ka jylla kamjooh wow e khublei ya oo yeiwa da tyrwa wow tipmit da ka UNESCO kam ki Heritage Site ya ki Yingkieñ Jri ka Meghalaya.

U Conrad da khana u leh hadooh katwon wa da ku ha ka khayi pateiñ kamjooh ki kaam sumaar sukhær ya ki manbei deilang ki khynnah wei kammon da pynbiang ki yaaw ki haat ya ki warep deilang i pynchna ya ka New Shillong, i ku ki kaam uiñke suwari deiwa krehlang kiwa chong chnong wa kiwi de.

Da klam leh yei pynkhreh yow pynman ya ka 39^th National Games ha u snem 2027.

U Conrad da klam u leh yei mynried ka jylla heiyatoh wa i heh i san deilang kiwi ki jylla ka North East deiwa yarap poisa ka sorkar pyrdi deiwa kyntu leh wow pynheh yeiwa ye u yoh yarap lyngba ki Externally Aided Project (EAP) neibynta ka Meghalaya najrong kiwi de ki yarap wow chna u tei yow pynchkeh ya ka kaam poisa poilaiñ ka jylla.

Related posts

Pynbna chuti ka sorkar neibynta ka sngi pyndep ya ka lehniam wa khaddooh u Dr. Ricky AJ Syngkon

February 20, 2026

U Dr. Ricky toh uwa kreh nadooh mynsien khlem da pyrkhat ya ka Politics | Nga yachem kaddooh wa oo ar tayaaw nachwa ha Delhi: Conrad

February 19, 2026

Neiliang u Montri Rangbah da e kti u leh ha u Prime Minister ya ka kot wa pynyoo yeiwa da leh ha Meghalaya deilang ka thong wa da booh ya ka mynried kat hadooh u snem 2032 iwa man leh kam ka thong ka Viskit Bharat.