U montri yada ri ka India, u Rajnath Singh ynne ka sngi da lai u cha Stakna kawi na ki thaw wa em ha Leh kam chibynta yong i lai u cha Ladakh neibynta ar sngi.
Ha Stakna kawa man kawi na ki thaw wa jan bha wa u pood wa ka China, u Rajnath da yachem u ya ki chipai wei da yaklam u leh ya ki wow pynchlur ya ki ha ki kaam yong ki wow yada ya ka ri.
Ynne ka sngi u Rajnath da pait u leh ya i pyndur yakhun ki chipai ha Stakna Military Base wei ya u Rajnath da synraan lang leh da u CDS General Bipin Rawat wa u Army Chief General MM Naravane.
Ini i lai u Rajnath wan i hadien wa lai yooh-kjat u montri rangbahdooh ka ri, u Narendra Modi wow yachem ya ki chipai khamtam hadien i yachoh hapyrdi ki chipai ka India wa China ha ka 15 Naiynru ha Galwan iwa em ha khappood ki ar ri heiwa ka India da dooh ko ya 20 ngut ki chipai katwa ka China won da antaad wa da dooh ko 43 ngut ki chipai.
